Nepalen Richtereko eskalan 7 magnitudeko lurrikara gertatu delarik, Okzitandar eta Euskal Herritar batzuk elkarrekin Langtang izeneko eskualdean ziren, mendian kurri. Duela hiru aste, Gotaine, Altzai, Azkaine, Donibane Lohizune, Eskiula eta Ziburutik abiatu ziren Katmandu iparraldeko mendier buruz. Apirilak 30an etxean izatea pentsu zuten. Egun hauetan "pixkanaka-pixkanaka" Katmandoura herriratuak izaiten ari dira.

Apirilaren 25ean Nepalen gertatutako lurrakaren ondorioz, Ipar Euskal Herriko 17 alpinistak herrian blokatuak ziren. Horietariko batek hankan kopeak izan ditu eta apirilaren 28an Katmandouko klinikara eraman dute. Bertan dauden Robert eta Mertxe Larrandaburu giden alabak, Oihana Larrandaburuk, "herriratua izaitea itxoiten" duela adierazi du.

Beste 16 alpinistak datozen egunetan herriratuko dituzte. "Nere amak mezu bat bidali dit helikopteroan zenean. Lehen aldia da mezu bidez elkarrizketa bat dugula", adierazi du Larrandaburuk.

Aurrekariak

Lurrikara eta gero, hurbilekoek berri guti ukan dituzte. Telefonoz komunikatzea izigarri zaila zaiela esplikatu du Oihana Larrandaburuk. Dei saiakera labur horiek nahikoak izan dira Nepalen diren euskal mendizaleak untsa direla jakiteko.