Hautagaien artean eginen diren mahai-inguruekin Ipar Euskal Herriko euskal hedabideek elkarlana abiatu dute martxoko hauteskundeetaz informatzeko. Gogoratu behar da, iragan urtean Herria, Euskal Irratiak, Kanalduden, Ipar Euskal Herriko Hitzak eta KAZETA.EUSek egindako lanak Argia sariak jaso duela urtarrilaren 30ean.
Euskal hedabideek Ipar Euskal Herrriko hiru herrietan debate publikoak antolatu dituzte martxoko hauteskundeetako hautagaiekin. Lehen mahai-ingurua Urdiñarben iraganen da martxoaren 4ean 19.00etan herriko gelan.
Publikoari irekia izanen den hitzordu huntan Olivier Carasco (UMP), Itxaro Bethart (PNB), Leonie Agergarai (EH BAI), Pierre Etchekopar (Front de Gauche), Pepela Mirande (Divers Droite) eta Ruben Gomez-ek (Divers Gauche) parte hartuko dute. Besteak beste, parte hartzaileek mendialdeko bozka eremu berriaz eztabaidatuko dute.
Ondoko hitzorduak martxoaren 9an Hendaian eta 17an Ustaritzen iraganen dira. Aldi oro kantonamendu bakoitzeko hautagaiak gonbidatuak izanen dira.
Bekat'Urosek aniztasun balorez beteko du Atharratze
Bide berri bat Ziburu eta Donibane Lohizune arteko Charles de Gaulle zubian
Jon Anzaren desagerpenaren «ardurak hartzeko garaia» aldarrikatu dute Urruñan
Brebetaren probak euskara hutsean izanen dira 2024an
