Euskal kulturaren aniztasuna, kale eta plazetan zehar barreiatua
Elkarteen eskutik, karrika eta plazetara, Baiona Ttipitik Handira euskara eta euskal kulturaren presentzia hedatzen ari da. Euskaltzaleen lanari esker, pixkanaka eremu jakin batzuetatik harago zabaltzen doa.
Karrikaldia euskal kulturaren erreferente bilakatu da urteen poderioz. Hamaika urte dira Montaut plazatik Baiona Handiko Jacques Portes plazara igaro zenetik. Folkloretik harago, euskaraz eta euskaldunen eskutik eginiko kantu, antzerki, dantzak… eskaintzen ditu arratsaldetik gauera arte.
Errobiren bestaldean, berriz, Patxa plaza euskaldun, herrikoi eta parekidea bilakatu da. Irekiera alternatiboa egin zuten asteazkenean Amets Arzallusen presentziarekin, eta geroztik egunero programazio anitza gauzatzen ari dira.
Patxoki elkarteak Baiona Ttipiko egoitzan egun bakoitzerako hainbat ekimen antolatu ditu, baina eguneko hitzordu saihetsezina, euskal kantuez gozatzea, “arroltze eta xingar” gozoz lagunduta.
Moneta euskalduna
Euskara sostengatzen duen euskoak presentzia handia izaten ari da bestetan aurten. Euskal moneta 45 taberna eta jatetxetan baliatzen ahal da, eta horren atzean dagoen engaiamenduak elebitasuna bultzatzen du.
«Orrialdea pasatu nahi dute, aintzat hartu gabe errealitatea aldatu dela»
«Ez digute utzi, baina Gazara iritsiko gara blokeoa haustera»
EUSKAL HERRIA DEFENDATUKO DUEN HERRI-UHOLDEA PIZTU DA
«Nos correrían a gorrazos si obligamos a cambiar de bici eléctrica al salir de Iruñea»
