Kattin CHILIBOLOST eta Iurre BIDEGAIN | 0 iruzkin
Loading player...

Irailaren 24an hamar urte bete dira poliziak Donibane Garaziko Kalaka ostatuaren kontrako operazioa burutu zuenaz geroztik. Garai hartan atxilotu zituen Pantxo Flores, Xabier Susperregi eta Cedric Garayk urte luze hauetan pairatzen segitu behar izan dutena azaldu dute KAZETAk egin duen bideo erreportaia batean. Euskal Herriko bake prozesuan horrelako aferei bukaera emateko premiaz hitz egin du ere Anaiz Funosasek.

Kazeta
Brisson eta Espagnac, artxiboko irudi batean. (Gaizka IROZ)

Pirinio Atlantikoko departamenduan, zortzi zerrenda lehiatu dira irailaren 24an iragan diren Senatuko hauteskundeetan. Frédérique Espagnac, Denise Saint-Pée eta Max Brissonek boza gehien eskuratu dituzte. Estatu frantsesean, eskuina nagusitu da eta horri esker ganbaran duen pisua indartuko du.

NAIZ
Alaia Martinek eskuratu du puntu gehien Txapelketa Nagusiaren lehen saioan. (Bob EDME)

2017ko Bertsolari Txapelketa Nagusiaren lehen saioa jokatu da gaur arratsaldean Baigorrin. Sei bertsolari ziren oholtzan eta Alaia Martinek lortu du puntuazio altuena; zuzenean sailkatu da azaroaren 1ean Irunen jokatuko den finalaurrekora.

Jose Anjel Oria | GAUR8

Pasa den abuztuaren 19an, Laguntza Humanitarioaren Nazioarteko Eguna zela eta, Nazio Batuetako hainbat ordezkarik gerra eta gatazka testuinguruan lan egiten duten boluntarioren aurkako erasoek gora egin dutela salatu eta gerra legeek porrot egin dutela ohartarazi zuten. Astelehenean beste kooperante bat hil zuten.

Iurre BIDEGAIN
Urriaren 6an Ezpeletan iraganen den ekimenean Anestesia, PILT eta Zea Maysek parte hartuko dute.

Elkartasun erauntsi erraldoia ondotik, "bere kabuz" jaialdi bat antolatzea erabaki du EHZ elkarteak. Urriaren 6an Ezpeletan iraganen den ekimenean Anestesia, PILT eta Zea Maysek parte hartuko dute. "Zirimola" lelopean, datozen hilabeteentzat beste hainbeste animazio antolatuko dituela iragarri du erakundeak.

Jon GARMENDIA 0 iruzkin
Inoiz baino emakume zuzendari gehiagok parte hartuko du sail ofizialean.

Kolonbiari jarri dio fokua aurten Latinoamerikako zinema jaialdiaren hogeita seigarren edizioak. Kolonbiako Gobernuak eta Farc indar armatu iraultzailearen arteko akordioan arreta ezarriko du ekimen kulturalak. Hiru sail garrantzitsu ditu lehiaketak, luzeak, laburrak eta dokumentalak, eta Besarkada saria lortzeko lehia horretan emakume zuzendarien presentzia inoizko handiena da.

Kazeta
Carles Puigdemont lehendakaria France Inter irratian.

Parisera egindako bidaiaren karietara, Carles Puigdemont Kataluniako presidentea elkarrizketatu dute France Inter irratian irailaren 25ean. Lehendakariak baieztatu duen bezala, urriaren 1ean katalanek bozkatzeko eskubidea izanen dute antolatuko duten erreferendumaren bidez.

Ariane KAMIO GARA

Garañok eta Arregik handia egin dute, komatxoen arteko tituluaz harago. Irailaren 24an aurkeztu zuten Zinemaldiko lehian haien azken lana eta, on eta txar, kritika askotarikoak jaso zituzten. Onak eta txarrak zakuratu beharrean dira, baina meritua hien alde dute.

Kazeta
Kepa Arkauz bere senideekin kartzelatik ateratzean. (Etxerat Elkartea)

Lau urtez preso egon ondoren, Kepa Arkauz askatu dute irailaren 21ean.  Meauxeko kartzelatik atera zen barda, Etxerat elkarteak azaldu duenez.

Kazeta
Hiru auzapezek epailearen aitzinean deklaratu zuten irailaren 15ean.

Iruri, Ozaze-Zuhara eta Hauzeko auzapezek harturiko erabakiak bertan behera utzi ditu Paueko auzitegi administratiboak.

Joseba AURKENERENA Iruzkin 1
Joseba Aurkenerena iruditan.

IRITZIA- Ekinozioa zer den azaltzeaz gain, gaiari buruzko kontakizunak plazaratu ditu Joseba Aurkenerenak. Hainbat pertsonaiei loturiko istorioak azaldu ditu idazleak.

ARGAZKI GALERIA
Bob EDME


Bidarraitarrek beren kabalkada estreinatu zuten irailaren 24an. Ondorengo emanaldia urriaren 1ean eskeinaiko dute. Herriko plaza gainezka zegoen ikuskizunaz gozatzeko. Orotara, ehun bat dantzari, musikari baita jostunek ere proiektuan parte hartu dute. Bidarrain animazioak sustatzeko xedez, aktibitateak indartzeko xedea du Otxaldetarrak elkarteak. Argazkiak: Bob EDME

ALBISTEA IRUDITAN
"Basakeri matxistari ez!"
Bob EDME


Uztaritzeko erailketa salatzeko elkarretaratzea antolatu zuten irailaren 22an. Kutun elkarte kulturalak deiturik "masakeri matxistaren" kontra jo zuten Arruntza plazan. Oroitarazi behar da, ustezko egilea akusaziopean ezarri zutela. Leporatzen dizkioten delituak dela eta, bizi osorako zigorra arriskatzen du.

 

  

Karrusela
Cookies icon

Cookien erabilpena. kazeta.eus-k bere cookiak eta hirugarren batzuenak erabiltzen ditu nabigazio esperientzia hobetzeko, azterketa analitikoak egiteko eta intereseko edukiak eta publizitatea eskaintzeko. Nabigatzen segituz gure cookien politika onartzen duzula ulertuko dugu.