Europako Giza Eskubideen auzitegiak Gobernu frantsesak Mikel Karrera, Izaskun Lesaka, Arkaitz Agirregabiria eta Joseba Fernándezi kalte-ordainak pagatu beharko dizkiela iragarri du.

Europako Epaitegiak abuztuaren 3a eta irailaren 16a bitartean adostutako akordioen berri jaso du. Hain zuzen, "atxilotzearen gehiegizko iraupenagatik", Gobernu frantsesak lau presoei kalte-ordainak pagatzeko engaiamendua hartu du. Horretarako, Europako Giza Eskubideen Itunaren 5.3 artikulua kontutan hartu du.

Karrera, Agirregabiria eta Fernandezek 5.000 euro jasoko dituzte. Lesakak, ordea, 3.000 euro. Auzitegiak deliberoa martxoaren 23an argitaratu zuen. Egun horretatik aitzina Gobernuak hiru hilabeteko tartea du kalte-ordainak helarazteko.