EH Bilduk, azkenean, 18 eserleku izanen ditu Eusko Legebiltzarrean eta EAJk 28. Koalizio independentistak beste eserleku bat gehitzea lortu du hainbat herriko kontaketen akatsak zuzendu eta atzerriko bozak zenbatu ondoren.

Atzerriko bozak kontatu eta, EAJk 494 boz lortu ditu eta EH Bilduk 220. Hori dela eta, eserlekua EAJrentzat izango litzateke. Haatik, irailaren 25ean iragan hauteskundeen gaualdian akats batzuk egin ziren hainbat herritan. Horiek berrikusi eta atzerriko bozak gehitu ondotik, EH Bilduk eserlekua lortu du.

Oroitarazi behar da hauteskunde gaualdian EH Bildu Bizkaian eserleku bat gehiago irabaztetik hurbil egon zela. Hain zuzen, 80 boz gelditzen zitzaizkion eserlekua lortzeko. Azkenean, balantzak koalizio independentistaren alde jo du.