Baionako besten lehen egunean, EITBko kazetari bat sexu eraso baten biktima izan da 20.00ak inguru zuzeneko konexioa egiten zuenean. Kamara aurrean zegoenean, bi mutiko hurbildu eta horietako batek ipurdian zaflako bortitza eman zion.

Sufritutako egoera salatzeko, emazteak uztailaren 31n salaketa jarriko du. Biktimak erasotzailea argazkitan hartu zuen; "20-22 urteko" gazte bat izan zitekeen.

Gogoratu behar da, aurten ere sexu erasoen kontrako kanpaina egiten ari direla Baionako bestetan. Karriketan pankartak jartzeaz gain, hainbat ostatutan mezu berdina islatzen dituzten afixak banatu dituzte.