Haritz LARRAÑAGA ALTUNA|GARA|BAIONA|0 commment
Lehen surf saioak Euskal Herrian:Lapurdi, Biarritzeko booma aitzin

Biarritzetik hedatu zen surfa Europara 1957an. Hori baino lehenago Ingalaterran surf egiten zen eta Lapurdiko kostaldean ere izan ziren saiakerak. Bizkaira eta Gipuzkoara geroago iritsi zen surfa, harremana handiagoa baitzen urrunago zeuden surflari espainiarrekin.

Haritz LARRAÑAGA|11/08/2017 16:20|0 commment
Hawaiitik hasi eta Inglaterrera hedatu zen surfa Europan

Badira 60 urte surfa egiten hasi zirela Europan. Hain zuzen, kirolarekin bat egin zuen lehen pertsona printze hawaiiar bat izan zen. Askoz lehenago ere, britainiarrak taula gainean zutik surf egiten aritu ziren.

Ane URKIRI ANSOLA|GAUR8
Euskara hutsezko kirol aldizkariak argia ikusi berri du uztailaren 21ean, landutako gaiak sakon jorratuta

Aitor Manterola, Eñaut Barandiaran eta Iñaki Berastegi tematuta zebiltzan euskarazko kirol hedabide baten sorkuntzarekin. Hutsune eta beharraz jabetuta ziren, euskal kirolari eta kirolzale asko baitaude. Uztailean «Harmaila»-ren 0. zenbakia doan argitaratu ostean, datozenak harpidedunen esku egongo dira soilik.

Artzen LETONA|03/08/2017 12:00
Egun bat Mendi Martxan

[KRONIKA] Euskal selekzioaren aldeko Mendi martxa abiatu zen uztailaren 29an. Lehenengo etapa Xiberoan gaindi burutu dute. Artzen Letonak parte hartzaileetariko bat izan da. Ekimena nola bizi duen azaltzeaz gain, Txuma Iturria koordinatzailearen azalpenak plazaratu ditu.

Ane URKIRI ANSOLA|GAUR8
Emakumezkoen kirolean ematen diren oztopoen inguruko mahai ingurua EHUren Udako Ikastaroetan

Ur azpian dagoen izebergaren koskor handienetik hasten da eraldaketa. Bat etorri ziren EHUk antolatutako Udako Ikastarora bertaratu zirenak, hizlari zein ikus-entzule. «Mikromatxismoak, hedabideak eta kirola» izenpean aritu ziren, gizartean iltzatuta dauden ohiturak ezabatu eta pentsaeraren birmoldaketa funtsezkoa dela nabarmenduz.

Kazeta|18/07/2017 10:45
Ikastolen alde ariko dira Reala eta Saint Etienne

Reala eta Saint Etienne futbol taldeek lagun arteko partida bat jokatuko dute Biarritzeko Aguilera zelaian uztailaren 22an. Ekimenaren txartelak jada salgai jarri dituzte.

Goizeder TABERNA|27/06/2017 08:50|0 commment
Lapurdiko Arraun Taldeak ustekabea sortu du Donibane Lohizunen

Arraun talde gaztearen ligako lehen lasterketa zen larunbatekoa eta bikainki burutu du. Donibane Lohizuneko Bandera irabazi du.

Jon ORMAZABAL|GARA
Joko molderik zaharrena pilotazaleari horren berria egin ez dakion

Iaz Euskal Herriko lehen txapelketa jokatu ostean, datorren urterako herrialde guztietako ordezkariakizango dituen lehia antolatzea da erronka. Bitartean, bote luzea jendartean zabaltzea da lehentasuna.

NAIZ|13/06/2017 11:00
Donaixtitik Orhira eta Arrankudiagatik Santurtzira, aurtengo selekzioaren aldeko martxa bi kolpetan

Euskal selekzioaren aldeko mendi martxa uztailaren 29tik abuztuaren 5a bitartean izango da aurten «ekitik burnira ofizialtasuna!» aldarri hartuta. Izan ere, bi kolpetan antolatu dute aurtengoa, Euskal Herriaren ekialdean izango dira lehen egunak Orhiko gaina eginez eta Arrankudiagatik Santurtzira izango dira azken lau etapak. Izena emateko epea ireki dute dagoeneko.

Andoni Urbistondo|7K
Gurpilen sorginkeria

Euskal Herrian txirrindularitza zale sutsu garen sona daukagu. Errepide bazterrak lepo betetzen dira gurean korritzen diren probetan. Ikurrinak dantzan ikusten dira, profesionalek eskertza mezuak ematen dizkigute sare sozialetan, han eta hemen loreak eskaintzen dizkigute... baina ez daukagu Giroaren edo Tourraren magia, handitasuna, historia. Giroak badu zerbait berezia: sentimendua, mendate ikaragarriak, Italiako jendartea mobilizatzen duen indarra, pasioa! Herri, hiri, bailara, mendi, belardi eta elur-zelaiak arrosa kolorez janzten dira, Giroko ikur ezagunenaz. Gurpil batzuen jira-bueltan milaka zale batzen dira Alpeetan, Dolomitetan, urtero.

Page 1/ 11
KULTURA
Artedrama, Dejabu Panpin eta Le Petit Théâtre de Pain
Loading player...


Luhuson estreinatu zutenez geroztik, zortzi hilabetez Euskal Herriko oholtza anitzetan eskaini dute "Francoren Bilobari gutuna" antzezlana. Hain zuzen, 60 emanaldi egin dituzte obra hau aitzina eramateko elkartu diren taldeek: Artedrama, Dejabu Panpin eta Le Petit Théâtre de Pain. Ikusteko parada galdu zutenentzat, Donostiako Victoria Eugenia antzokian grabatutako emanaldia sarean utzi dute.

KLIK
GAUR 8


Donibane Lohizuneko portua Urdazuri ibaiaren bokalean dago. Donibane Lohizune balearen eta bakailaoaren arrantza zela-eta egin zen ezagun aurreko mendeetan. XVI. mendeaz geroztik bere kortsarioengatik ere oso ezaguna izan zen. XIX. mendearen bukaeran turismoa gorantz hasi zen, bertan jarduera nagusia artean arrantza bazen ere; 1885ean lurrunontziak iritsi zirenean, gainera, sardinaren arrantzak gora egin zuen. XX. mendearen hasieran zortzi kontserba-fabrika zeuden Donibane Lohizunen, eta haietako langile gehienak emakumeak ziren. 1938an, sardinaren arrantzari dagokionez, Estatu frantseseko lehen portua bilakatu zen, baita 1959an ere, atunari dagokionez. 1964an 191 ontziko flota eta 1.200 arrantzale zituen Donibane Lohizunek, baita 13 kontserba-fabrika ere. Egile ezezaguneko irudia joan den mendeko 50eko hamarkadaren erdi aldera egina da. Bertan hegaluzeen salmenta ageri da, ontziak portura iritsitakoan.