Kazeta|11/08/2017 16:35|0 commment
Euskal presoak: ohikoak ez diren bi erabaki

Zuhaitz Errasti presoaren hurbilketa eta Mikel Irastorzaren askatasuna kontutan hartu beharreko urratsak dira gaia hurbiletik segitzen dutenen aburuz.

 

Kazeta|11/08/2017 16:20|0 commment
Landare eta barazki ekologikoak tokian eta tokikoentzat

Mirentxu Doyenhard eta Jakes Bernet profesionalentzako landare eta barazki biologikoak ekoizten dituzten bakarrak dira. Hori dela eta, eskaera emendatzen joan da 2008az geroztik. Gaur egun, beren ahalmenetatik urruntzen den lan zama dute eta 2018tik aitzina aktibitatea murriztea erabaki dute.

Kazeta|11/08/2017 16:15|0 commment
Kazeta.eus irailaren 4a arte hetsia izanen da

Abuztuaren 11tik irailaren 4a arte Kazeta.eus ataria oporretan izanen da. Tarte horretan hainbat gairi buruzko artikuluak irakurgai izanen dira webgunean.

Kazeta|11/08/2017 14:55|0 commment
Menpekotasunei buruzko kontsulta idekiko dute Donapaleun

Irailaren 7tik aitzina ANPAA erakundeak menpekotasunei buruzko kontsulta bat proposatuko du Donapaleuko Amikuze Zerbitzuen Etxean. Gaur egun zerbitzu bera eskaintzen dute Donibane Garazi, Donibane Lohizune, Hazparne eta Hendaian.

Kazeta|11/08/2017 12:00|0 commment |
Antillak ardatz hartuta, hizkuntza eta nortasuna aztertuko dute Baigorrin

"Antilletan bizi" deituriko ekimena antolatu du Euskal Herriko Unibertsitate Herrikoiak Baigorrin. Abuztuaren 11 eta 12an iraganen diren jardunaldiek nortasunari buruz hausnartzeko, besteak beste. Euskal Herriko adituek, hala nola Itxaro Borda, Lucien Etxezaharreta eta Jon Sarasuak, eztabaidetan parte hartuko dute.

Iurre BIDEGAIN|11/08/2017 10:00|0 commment
Baionako meskita erasotu dute

Iragan asteburuan, igandea eta astelehenaren arteko gauean, Baionako meskita erasotu dute. Baionako prokuradore-ordearen arabera, erasoak ez luke erlijioarekin loturarik.

Xermin CAMBLONG|mediabask|0 commment |
Garaziko gaztetxea “intra-muros” libertituko da

Donibane Garaziko besten karietara estreinatuko dute Gaztetxea Garaziko gazte Asanbladako kideek. Sare sozialetan iragarri dutenez, hitzordua agorrilaren 12rako eman dute, aitzinetik gomitak sorpresaz mimatuko dituztela hitz emanez.

Kazeta|10/08/2017 11:00|0 commment
Bretainian 'ñ' letra baimenduko duten erabakiko dute irailaren 13an

Urte honetako maiatzean sortu den Fañch gazte bretainiarrak bere izena baimendua den edo ez jakingo du irailaren 13an. Epaileak bere erabakiaren berri emango du prokuradoreak salaketa aurkeztu ondoren.

Maite UBIRIA|09/08/2017 14:55|0 commment
 Gailua nahi ez dutenen helduleku da Ahetzeko Herritarren Hitza

Aheztarrei eragiten dieten gaiei buruzko informazioa helarazteko xedea du Ahetzeko Herritarren Hitza plataformak. Hala nola, azken hilabete hautean Linky gailuen afera jorratzen ari da. Indarrak batuz, elkarlanean, gailua ez dutenei laguntza eskaini nahi dio taldeak.

Kazeta|09/08/2017 14:50
Prefetak bere erabakia deuseztatzea galdetu dio Arbonari

Linky kontagailuen instalazioa oztopatzeko, erabakiak hartu zituen Arbonako Herriko Etxeak uztailaren 5ean. Gutun baten bidez, horiek deuseztatzea galdegin dio Pirinio Atlantikoetako prefekturak. Herriko Etxeak eskaera errefusatu duela aipatu du.

 

Page 1/ 265
KULTURA
Artedrama, Dejabu Panpin eta Le Petit Théâtre de Pain
Loading player...


Luhuson estreinatu zutenez geroztik, zortzi hilabetez Euskal Herriko oholtza anitzetan eskaini dute "Francoren Bilobari gutuna" antzezlana. Hain zuzen, 60 emanaldi egin dituzte obra hau aitzina eramateko elkartu diren taldeek: Artedrama, Dejabu Panpin eta Le Petit Théâtre de Pain. Ikusteko parada galdu zutenentzat, Donostiako Victoria Eugenia antzokian grabatutako emanaldia sarean utzi dute.

KLIK
GAUR 8


Donibane Lohizuneko portua Urdazuri ibaiaren bokalean dago. Donibane Lohizune balearen eta bakailaoaren arrantza zela-eta egin zen ezagun aurreko mendeetan. XVI. mendeaz geroztik bere kortsarioengatik ere oso ezaguna izan zen. XIX. mendearen bukaeran turismoa gorantz hasi zen, bertan jarduera nagusia artean arrantza bazen ere; 1885ean lurrunontziak iritsi zirenean, gainera, sardinaren arrantzak gora egin zuen. XX. mendearen hasieran zortzi kontserba-fabrika zeuden Donibane Lohizunen, eta haietako langile gehienak emakumeak ziren. 1938an, sardinaren arrantzari dagokionez, Estatu frantseseko lehen portua bilakatu zen, baita 1959an ere, atunari dagokionez. 1964an 191 ontziko flota eta 1.200 arrantzale zituen Donibane Lohizunek, baita 13 kontserba-fabrika ere. Egile ezezaguneko irudia joan den mendeko 50eko hamarkadaren erdi aldera egina da. Bertan hegaluzeen salmenta ageri da, ontziak portura iritsitakoan.