Lurramako gasna lehiaketako irabazleak 2017an

Ossau Iraty zonaldeko gasna lehiaketa iragan da berriz ere 2017ko Lurraman. Azken urteetako arrakastatsuena izan da eta irabazleak ezagunak dira jadanik.

Kazeta|13/11/2017 16:05|1 comment
Guz_lurrama2017_bvobedme110
2017ko azaroaren 10ean iragan zen gasna lehiaketa Lurraman. © Bob Edme

Urtero bezala Ossau Iraty zonaldeko gasna lehiaketa iragan da Lurraman. Hala eta guztiz ere, 2017ko edizioa azken urteetako garrantzitsuena izan dela diote saloiko antolatzaileek. Orotara 63 parte hartzaile izan dira. Azaroaren 10ean egin zuten François Borel "Brousse du Rove" gasnaren elkartearen presidentea epaimahai buru zela.

Aurkezturiko 3 mailetan emaitzak horiek izan dira:

Esnetegiko gasna
•    1. Saria: Agour (Heleta)
•    2. saria: Chaumes (Maule)
•    3. saria: Eiheralarreko gasnategia
 
Etxeko gasnak
•    1.saria: GAEC Aozteia, Astabie (Bunuze)
•    2.saria: GAEC Lau Haizetara, Duhalde (Aiherra)
•    3.saria: GAEC Atalai, Goyheneix Cachenaut (Lekunberri)
 
Bortuko gasnak
•    1.saria: Yann Vaugon (Atharratze)
•    2.saria: Jean Jaragoyen (Garaibi)
•    3.saria: Michel Goyenetche (Ezterenzubi)

Beste lehiaketak

Bestalde, Herriko ogiaren hirugarren lehiaketa burutu dute 2017ko edizioan. Aurtengo irabazlea Kanboko Eskoletako okindegia izan da. Sukaldaritzako lehiaketari dagokionez aldiz, Baionako Harat Hunat elkarteko Jean Jacques Mailharro eta Martine Keryhuel izan dira irabazleak.