Lau urtez preso egon eta, Kepa Arkauz libre utzi zuten irailaren 21ean, Etxerat elkarteak jakinarazi duenez. Kepa Arkauz 2013ko maiatzean 7an atxilotu zuten Bloisen. Poliziak hiru hiritan operazioak burutu zituen: Blois, Brive-la-Gaillarde eta Montpellierren.

Operazioaren baitan, beste bost lagun atxilotu zituen: Raúl Aduna, Andoni Goikoetxea, Igor Uriarte, Julen Mendizabal eta Ekhiñe Eizagirre. Atxilotu zituztenei "ETAren egitura logistikoan" parte hartzea leporatu zieten.

Iragan irailaren 7an, sei euskal presoak epaitu zituen Pariseko Delituen auzitegiak. Aduna eta Julen Mendizabali zazpi urteko kartzela zigorra agindu zieten. Beste lauei sei urteko kondena ezarri zieten.